Xatırladaq ki, münsiflər heyyətində şoumen Murad Dadaşov, cüdo üzrə Olimpiya ikincisi, Birinci Avropa Olimpiya Oyunlarında qızıl medalın sahibi Rüstəm Orucov, teleaparıcı Afaq Gəncəli, teleaparıcı Hacı Nuran Hüseynov və sənətçi, 2011-ci il Eurovision müsabiqəsinin qalibi Nigar Camal əyləşmişdi.

Beləliklə kreativlik, sürət, səhnəcik və münsiflər heyyətinin verdiyi xallara görə üçüncü yerin sahibi Angry Birds komandası oldu, ikinci yeri No Standart qazandı və ən yaxşıların yaxşısı Bull & Co komandası oldu.

Bakı özünə məxsus qonaqpərvərliyi ilə Red Bull Soapbox Race yarışlarını qəbul elədi. Bizim ölkədə ilk dəfə keçirilən bu kreativ arabalar festivalında 43 komanda iştirak elədi və minlərlə insan tamaşa etdi. 300 metr uzunluğunda olan yarış zolağında biri birindən maraqlı və kreativ arabalar yarışdı.